ابفتخر

يلي على وجهي قريتي كل صفحات الشقى

اقري وأنا باكتب قصيدة واشعل الساحة حريق

باقي كثر ما راح واللي راح نصف اللي بقى

وان ماوصلت لغايتي باموت في نصف الطريق

يابنت يوم امطر غلاك بقلب مشتاق وسـقى

تدرين وش سبة شقاه وسبة الجرح العميق ؟

شقاه من يمناه واسم الشيخ والنفس امحقى

والجرح منك ياأعذب العذبات يالموت الرقيق

يا بنت ما دام البدو تخلف هقاوي من هقى

وانا بدوي مني يشيل من الزمن ما لا يطيق

ابفتخر حنا بدو نعشق على وضح النقا

حنا بدو فينا الولد للقمة العليا عشيق

حنا بدو فينا الولد لو شاف موته ماأتقى

حنا بدو فينا الولد يرقا ولو ماله رفيق


وشكرا