ولا كلمة ... ولا حرف ...
ما ابي اسمع عذر ...
لا تكلميني ابد ...
إكتشفت إنكِ سخيفه
وينكِ البارح ...؟!
وربي إنك سخيفه ...!!
ماتدري إن الجفى بشرع الهوى عيب ... وحرام ...!!
يعني ماتدري وش احساسي تجاهك ...؟!
ياسلام...!!
مابي اعذار ... المهم إنك جفيتي ...!! وهذا طبعك
وانا من طبعي وفيت
وما اجبرك ...
كيفك ...
إنتي حُره ...
سوي اللي تبيه ...!!
بس انا بـأسهر غلا غصبٍ عليك
وانا حر في عيوني
واموت شوق
واعشق
واحب
واعلم الناس
بقول إني هويت ...!!
وبعد غصبٍ عليك ... و وش تبي تسويه سويه
وبذووووب فيك ...!!
وما راح استئذنك ... بـ اعشق وبس
كيفي...!!
وانا حُر ... وإنت حره ...!!
بـ اكتب اسمك فوق كفي
واتغنى فيك قدام الشباب
واسهر الليل آتقلب لجل عينك
وادعي الله ما انحرم منك ابد ... ومو بكيفك ...
غصبٍ عليك
وكل واحد يسوي إللي يبيه
وانا ابيك ... ياسخيفه ...!!
انا ما اكذب ... ولا اتسلى
انا هويتك غصب عني ... وغصب عنك ...!!
والقدر من يقوى عليه ...؟!
خل اقول لك شيء...
تدري البارح وش اللي صار ...؟!
ياااااه
يا ناعشت اجمل عمر ...
تخيلتك معي ... والهوى حلم ... وخيال
بس مو اية خيال
وربي عسوووول الهوى
سكر
يشبه الكتكات في ريق البنات ...!!
تدري البارح ضحكت
ثم رديت وبكيت
ثم رديت وضحكت
ثم رديت وبكيت
كني مجنون ... صح...؟!
ادري إنك قلتي " صح " ...!!
بس وربي ماني مجنون عقل
انا مجنون عليك
يا سخيفه ...
ميت احساسك وإلا تتغلي علي...؟!
إذا تتغلين يااااااااااااااه ... وربي ما اغلى منك احد
تدري وش كثر الغلا اللي يحتويك بوسط عيني ...؟!!
كثر أُمي ... وأبوي
أنتي انا ...
وأنتي أُمي ... وأنتي ابوي ...
وأنتي اختي ... وأنتي اخوي ...
وأنيت روح بـ وسط روحي
وأنتي قلب بوسط قلبي
وأنتي شمسي بالصباح ... وبالمساء بعيني بدر
ياشموخي بين كل الناس
يا جموحي عن غلا غيرك فديتك
يا اعتزازي
وتاج راسي
وأنتي نجمي في طريقي وأنتي نبراسي
وطعم كاسي
وكل ناسي
ياعزاي إن صار في عمري مآسي
أنتي في عيني كحل
وأنتي في خصري حزام
وأنتي في صدري شعاع
وأنتي في خدي قمر
وأنتي بـ كفوفي ذهب
وفي جيدي غلاي ... وقلادة الماسي ...!!
ياسخيفه ...!!
يعني ما تدري بغلاك ...؟!
وربي اغلي تراب بابك لاوطت رجلك عليه
ولو يبيعونه لعينك اشتريه
وربي احسد انفاسك إذا تدخل لصدرك
وأحسد الخاتم إذا يسكن بكفك
واحسد صحباتك إذا نادوك بـ إسمك
وأحسد ... اخوانك وابوك ...!!
وحتى جيرانك بعد
وكل حيك
والشوارع ... والمدينة ...!!
والعيون اللي على شانك حزينة
والمطر لو مس راسك
وحتى لو تدمع عيونك احسد الدمعة إذا نامت بخدك
واتلوى ...
وآتصبر
وانتظر ساعة فرج من عقب عامين ضيق ...!!
كل هذا مو غلا...؟!!
يختي روحي ... والله ماتدري بإحساسي تجاهك ياغلاي ...!!
والغلا قسمة ونصيب ... وراضي بحكم القدر ...!!
يا بعد كل الجروح
وأنتي جرح ينزف أشواق وعطر
قولي يارب ...
جعل جرحك فيني عمره ما يطيب
وانتي في عمري صديقه
وأنتي بـ احساسي حبيبه
وأنتي شمعة
احترق من ضحكتك
وانتي دمعة
انزفك في غيبتك
وأنتي سلطاني
وحناني
وأفراحي
واحزاني
ياقصيدي ... وفرحتي في يوم عيدي
ونبضي اللي وسط صدري
وعطري اللي في وريدي
وارتعاشي
والدفى بحافة فراشي
اشربك بالصيف
ياااااااااه ... يابردك
واتظلل في غلاك لحتمى صيف الهوى ...
وبالشتاء انفاسك جمر ...
وكفوفك لهيب
وانتي بعيوني سوالف ماسمعها انسان ثاني
من صباحي لين ليلي
وانتي بعيوني عمر ما كتب لانسان ثاني
والله ما يتهنى فيه إنسان غيرك
وحتى لو إنك سخيفه
وما تقدري لي هواي
وربي عادي
ومو مهم
المهم إن كل شيء بـ عيوني متساوي ومو مهم
وأنتي بلحالك مهم ...!!
وخلهم يدرون ... عادي
وخلهم يحكون ... عادي
كلها قصة هوى
وعشقٍ نظيف
ما يعرفونه ولا يدرون وش معناه ...
أنا ما اهتم منهم ... يكفي إن عشقي شريف
يكفي إن قلبي عفيف
يكفي إن عرضي نظيف
وكلهم يدرون ...
بس وش تقولين ...؟!
الحسد بقلوبهم ينبت نبات ...!!
بس يا الله الثبات ...!!
وربي احبك ياسخيفه ...
يا الله روووحي ...!!
وربي إنك املح من خلق ربي ولو إنك سخيفه ...!!
ربي لا يحرمني منك ...!!
ولا من سخفك وشينك
ولا من نظرات عينك
وقولي يارب
قولي تكفين ياسخيفه
ربي لا يبين غلاك ...!!
الرئيسية 
التسجيل 
دخول 
الثلاثاء ديسمبر 25, 2007 3:45 am